Zemaneviy Bağçasaray üç qısımğa bölüngen, olardan biri de – Eski şeer. Oña eski tar, burulmalı küçük soqaqlar has.
XX asırğa qadar Bağçasaray soqaqlarınıñ adları yoq edi, şeer ise bir qaç on maallege bölüngen edi. Er biriniñ adı bar edi: Kemer Qapu, Sauskan, Meraş Efendi, Orta Cami Maale, Yeni-Maale, Han-Cami-Maale ve ilâhre. Er bir evniñ yeri soqaqqa köre degil, ait olğan maallege köre aytıla edi. Şunıñ içün eski şeerde bir kereden qarışıq körüngen inşaatlarnıñ belli bir tertip bar.
Hansaray Eski şeerniñ yüregi ve dünyadaki qırımtatar saray mimarlığınıñ yekâne nümünesi sayıla. XVI asırnıñ tanıñda quruldı. 2016 senesi iyül ayında işğal etilgen Qırımnıñ medeniy mirasını qoruma komiteti Hansaraynıñ «restavratsiyası» aqqında kelişti. Rusiye akimiyeti buñı «bozuqlarğa qarşı işler» adlandırdı.
Kyiv Rusiye akimiyetiniñ Hansarayda yapqan restavratsiyanı defalarca tenqit etti. Ukraina Medeniyet nazirligi bu işler sebebinden saraynıñ esas binasınıñ mahv olma telükesi bar olğanında iddia ete.
Bağçasaray tek saray mimarlığınen degil, aynı zamanda daa zapt olunmaz qalesi – Çufut-Qale ile meşur. Amma bundan ğayrı şeerniñ daa bir çoq meşur yeri bar.
