Мажбурий ижро бюроси Бешариқ туман бўлимига фуқаролик ишлари бўйича Ўзбекистон туманлараро судининг 17.02.2021 йилдаги жавобгар Р.Нажмидиновдан М.Зокиров фойдасига 31 581 540 сўм моддий зарар ундириш ҳақидаги ижро варақаси келиб тушган. Қарздор Р.Нажмидинов моддий зарарни тўлаши лозимлиги ҳақида бир неча бор огоҳлантиришга қарамасдан тўлашдан бўйин товлаб келган. Жорий йилнинг 3 май куни қарздор яшаб келаётган Бешариқ тумани Бешсари қишлоғида жойлашган хонадонда мол-мулкларини аниқлаш мақсадида ўтказилган кўздан кечириш жараёнида ўнлаб бош чорва ҳайвонлари мавжудлиги аниқланиб, тегишли ҳужжатлар асосида хатланган. Моддий шароити оғир аҳволда экани ҳақида сафсата сотаётган Р.Нажмидинов чорва ҳайвонларини хатлаб олиб кетилишига жимгина қараб тураолмади, аксинча шу куннинг ўзидаёқ 31 млн. 581 минг сўм қарзини Бюронинг туман бўлимига етказиб олиб келди. Шунингдек, ундан суд ижро варақасига асосан ундирувчи М.Зокиров судга тўлаган 1 265 100 сўм суд ҳаражатлари ва 16 000 сўм почта ҳаражатлари ҳам қўшимча ундирилди.
