ძიუდოისტი ლუხუმ ჩხვიმიანი რუსეთში გრან სლემის ჩემპიონი გახდა
დღესვე, ყაზანის გრან სლემზე, მამაკაცთა შორის, 66 კილოგრამშიც გათამაშდა მედლები. საქართველოს სახელით ბაგრატ ნინიაშვილმა იჭიდავა და ნახევარფინალამდე მივიდა. შემდეგ კი ზედიზედ ორი შეხვედრა წააგო და მეხუთე ადგილს დასჯერდა. ქალთა 52 კილოგრამ წონით კატეგორიაში მოჭიდავე ტატიანა ლევიცკა-შუკვანი კი ტურნირს მერვედფინალიდან გამოეთიშა.
შეჯიბრება 7 მაისის ჩათვლით გაგრძელდება და კიმონოს კიდევ შვიდი ქართველი მოირგებს. 6 მაისს იჭიდავებენ ნუგზარ ტატალაშვილი, ლუკა კაპანაძე (ორივე 73 კგ) და ვლადიმერ ახალკაცი (81 კგ). 7 მაისს - ლუკა მაისურაძე, იმედა გოგოლაძე (ორივე 90 კგ), ონისე სანებლიძე (100 კგ) და საბა ინანეიშვილი (+100 კგ).