Ճապոնական President Online բիզնես ամսագրի ընթերցողները շնորհակալություն են հայտնել ՌԴ նախագահ Վլադիմիր Պուտինին Ռուսաստանում ակիտա-ինու շան ցեղատեսակի տարածվող «թրենդի» համար:
Ինչպես փոխանցում է «ՌԻԱ Նովոստի»-ն, նրանցից շատերի կարծիքով՝ այդ կենդանիներն իրենց ավելի լավ են զգում այլ երկրում: Հրապարակված հոդվածում նշվում է ՌԴ առաջնորդի՝ Յումե անունով շան մասին, որի անվանումը ճապոներենից թարգմանաբար նշանակում է «երազանք»:
Ընտանի կենդանին Պուտինի մոտ հայտնվել է 2012 թվականին. այդպես Ակիտա պրեֆեկտուրայի ղեկավարը շնորհակալություն էր հայտնել Մոսկվային «Մեծ արևելաճապոնական երկրաշարժի» հետևանքները վերացնելու գործում ցուցաբերած օգնության համար:
Ճապոնացի ընթերցողները նշել են, որ այդ ցեղատեսակի շներն, ամենայն հավանականությամբ, հայտնի են դարձել ռուսների շրջանում Պուտինի շան շնորհիվ:
«Ակիտա-ինու մեծ շները մեր նեղ տների համար չեն: Եթե նրանց համար լավ է ընդարձակ Ռուսաստանում, ապա դա ավելի լավ է: Թող այդ ցեղատեսակն այնտեղ զարգանա»,- գրել է ընթերցողներից մեկը:
«Նախագահ Պուտին, շնորհակալություն, որ ճապոնական ցեղատեսակի շուն եք պահում: Դա հիանալի է», - ՌԴ նախագահին դիմել է մեկ այլ ընթերցող: