ბაიდენმა პუტინთან სატელეფონო საუბრისას ნავალნიზე თავდასხმა ახსენა
ამის თაობაზე განაცხადა რუსეთში აშშ-ის ელჩმა, ჯონ სალივანმა. საუბრიდან სამი დღე გავიდა, მაგრამ არც ერთ მხარეს აქამდე არ უთქვამს, რომ ნავალნის თემა განიხილეს. კრემლის თანახმად, საუბარი აშშ-ის ინიციატივით შედგა. ბაიდენმა 15 აპრილს თქვა, რომ პუტინთან საუბრისას გულწრფელი იყო და გააფრთხილა მომავალი მოქმედებების შესახებ, თუ რუსეთი გააგრძელებს აშშ-ის დემოკრატიაში ჩარევის მცდელობებს.
აშშ-ის პრეზიდენტმა პუტინს ზომების გატარებისკენ მოუწოდა, რათა განიმუხტოს მზარდი დაძაბულობა უკრაინასთან, და გამოვიდა ორ ლიდერს შორის მესამე ქვეყანაში სამიტის გამართვის წინადადებით, იმ ფონზე, როცა ვაშინგტონი და ნატო კიევს კვლავ მხარდაჭერას უცხადებენ.
სატელეფონო საუბარში ბაიდენმა "გამოხატა ჩვენი შეშფოთება ოკუპირებულ ყირიმში და უკრაინის საზღვრებთან რუსეთის არმიის მოულოდნელი მატების შესახებ, და რუსეთს დაძაბულობის დეესკალაციისკენ მოუწოდა", - ვკითხულობთ თეთრი სახლის განცხადებაში.
კრემლმა დაადასტურა, რომ ბაიდენი ორ ლიდერს შორის "ახლო მომავალში" სამიტის გამართვის წინადადებით გამოვიდა, მაგრამ არ უთქვამს, დათანხმდა თუ არა ამას პუტინი.