په پکتیا او خوست ولايتونو کې تر لسو کيلوګرامو ډېر نشه يي مواد ونيول شول.
لومړي عمليات د خوست ولایت په مرکز کې د نشه يي موادو د خرڅلاو پر يوه مرکز وشول چې په نتيجه کې يې څلورنيم کیلوګرامه ښیښه ونیول شوه.
د کورنيو چارو وزارت وياند طارق ارین ازادي راډيو ته وويل، دوهم عملیات د پکتیا ولایت په احمد ابا ولسوالۍ کې وشول چې په نتیجه کې يې د استوګنې په یوه کور کې ۱۱ کيلو او ۷۰۰ ګرامه چرس ونيول شول.
د دې نشه يي موادو د ساتلو په تور دوه تنه هم نيول شوي دي.
