Aprelniñ 10-nda saba Qırımda 91 yañı koronavirus hastası qayd etildi, 9-nıñ hastalıq alâmetleri yoq. Bu aqta Qırımnıñ Rusiye yolbaşçısı Sergey Aksenov Facebook saifesinde bildirdi.
Onıñ malümatına köre, 59 hasta tibbiy yardım içün muracaat etkende qayd etildi, 32 insan daa evel qayd etilgen hastalarnen alâqada oldı.
«Keçken künü yañı koronavirus yuqunçı tedqiqlerini yapqan cumhuriyetniñ bütün laboratoriyaları 2640 insannı teşkerdi. Bir künde 85 insan tüzeldi, bütün müddet devamında 36 041 kişi yahşı oldı», – dep aytıla haberde.
Rospotrebnadzor, Qırımnıñ yedi regionında koronavirus hastalarınıñ sayısı arta, dep bildirdi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
