Բունդեսլիգայի 28-րդ տուրում «Բավարիան» ընդունել էր «Ունիոնին» ու խաղավարտին ձեռքից բաց թողեց հաղթանակը։ Հանդիպումն ավարտվեց 1-1 հաշվով։
Խաղի հաշիվը բացվեց 68-րդ րոպեին․ Թոմաս Մյուլերի փոխանցումից հետո գոլի հեղինակ դարձավ տանտերերի 18-ամյա կիսապաշտպան Ջամալ Մուսիալան։ Բեռլինցիները հաշիվը կարողացան հավասարեցնել խաղի հիմնական ժամանակի ավարտից 5 րոպե առաջ․ աչքի ընկավ Մարկուս Ինգվարտսենը։
Միաժամանակ ընթացող մյուս խաղում «Լայպցիգն» հյուրընկալվել էր «Վերդերին» ու 4-1 հաշվով հաղթանակ տարավ՝ «Բավարիայից» ունեցած միավորների տարբերությունը հասցնելով 5-ի։
«Այնտրախտի» ու «Վոլֆսբուրգի» միջև կայացած խաղում գոլային հրավառություն էր․ խաղն ավարտվեց ֆրանկֆուրտցիների հաղթանակով՝ 4-3 հաշվով։ Թիմերը Բունդեսլիգայի մրցաշարային աղյուսակում համապատասխանաբար 3-րդ և 4-րդ տեղում են։
Միաժամանակ ընթացող վերջին խաղում «Հերտան» ընդունել էր Մյոնխենգլադբախի «Բորուսիային» ու 2-2 ավարտեց հանդիպումը։