ბათუმში სახლი სამშენებლო სამუშაოების დროს ჩამოინგრა და ნანგრევებში მუშები მოიყოლა. მათგან ორი დაშავდა, ერთი კი გარდაიცვალა. ინფორმაციას საგანგებო სიტუაციების მართვის სამსახური ავრცელებს.
"დაშავებულები სასწრაფო სამედიცინო დახმარების ჯგუფების მიერ გადაყვანილები არიან სამედიცინო დაწესებულებაში, სადაც გაეწევათ შესაბამისი დახმარება", - ვკითხულობთ განცხადებაში.
უწყების ინფორმაციით, ადგილზე მუშაობდა 8 სახანძრო-სამაშველო ჯგუფი, 30 მეხანძრე-მაშველის შემადგენლობით.