2 сакавіка ў Беларусі распачаўся новы футбольны сезон. Пакуль фанаты байкатуюць гульні па палітычных матывах, першы трафей адпраўляецца ў Салігорск.
Суперкубак сёлета разыгралі «Шахцёр» — як дзейны чэмпіён Беларусі, і барысаўскі БАТЭ — як уладальнік Кубка краіны.
Матч праходзіў на стадыёне ФК «Мінск», што на сталічнай вуліцы Маякоўскага. Асноўны час гульні забітых мячоў не прынёс, а ў серыі пасляматчавых пенальці больш удалымі аказаліся салігорскія футбалісты.
Яны перамаглі з лікам 5:4. Адметна, што вырашальны пенальці рэалізаваў Аляксандр Гутар — брамнік «Шахцёра». А два ўдары супернікаў з 11-мятровай пазнакі ён парыраваў.