Quruğan uçansuv ve saylaşqan “yaşlıq vannaları”: Qızıl Qoba qışta (fotogalereya)
Qayd etmelimiz ki, pakr ekologik turizm obyekti olaraq soñki bir qaç ay içinde deñişti: köşükler ve sundurmalar yañartılğan, yañı bala ve sport meydanları tiklenilgen, Qızıl Qoba özeniniñ yalısı boyunca ağaçtan merdivenler donatılğan. Bunıñ üzerinde ayırıqnıñ suv anbarları – özenler, şelâleler ve tıynaqlar ile vaziyet ise pek deşetlidir. Olar pek saylaştı, bazıları ise bütünley qurudı.
Evelleri, qar irigende ya da şiddetli yağmurlar yağğanda Suv Uçqan, soñra Qızıl Qaza özeni de Bazar Oba bayırınıñ capından şuvuldap aq edi. Şimdi ise tek bazı yerlerde biraz tamçı-tamçı suv aqa. Bugünde bir vaqıtları dülber Suv Uçqan şelâlesi böyle körüne.