Aqmescitteki mahkeme cemaat jurnalisti Temeryanovnı cöreme ödetti – faaller
“Mahkemeci Evelina Fedorenko, noyabrniñ 3-nde (2020 senesi) qırımtatarlarğa üküm çıqarılğanda Aqmescitteki mahkemege 200 diñleyiciniñ kelmesiniñ “kutleviy tedbir” alâmetleri bar, dep qarar çıqardı. Jurnalist Vilen Temeryanovnıñ areketleri ise memuriy cezalar aqqında Rusiye Ceza qanunnamesiniñ 20.6.1 maddesiniñ 1-nci qısmında közde tutulğan cinayet kibi tanıdı”, – yazıla malümatta.
Haber etilgenine köre, cöreme aqqında qararnı mahkeme Temeryanovsız dekabrniñ 18-nde çıqarğan, bunıñ aqqında jurnalistni ise poçta vastasınen haberdar etken. Mektüp 2021 senesi yanvarnıñ 3-nde kelgen.
Vilen Temeryanov ve onıñ advokatı Merkeziy rayon mahkemesiniñ qararını temyiz etecek.
Bu malümatnı tasdıqlağan diger menbalar yoq.
Aqmescitniñ Merkeziy rayon mahkemesi cinayet terkibiniñ olmaması sebebinden cemaat jurnalisti, "Qırım birdemligi"niñ mühbiri Vilen Temeryanovnıñ davasını qapattı.
Advokat Emil Kurbedinov, dekabrniñ 28-nde saba Canköy rayonında öz evi yanında yaqalanılğan cemaat jurnalisti Vilen Temeryanovnı Rusiye nezaretinde olğan Aqmescitniñ Merkeziy rayon mahkemesine ketirgenlerini haber etti.
Dekabrniñ 28-nde saba "Qırım birdemligi" cemaat birleşmesiniñ faalleri, Rusiye polisiniñ hadimleri cemaat jurnalisti Vilen Temeryanovnı "mecburen iş maşinağa oturtıp evden alıp kettiler", dep haber etken ediler.
Noyabrniñ başında Rusiye politsiyası qırımtatar faali, "Grani.ru" neşiriniñ jurnalisti Vilen Temeryanovğa qarşı memuriy bozuv aqqında eki protokol tizdi. O, Aqmescitte Rusiye kontrolindeki Qırım garnizon arbiy mahkemesi ögünde, insanlar Qurmandaki "Hizb ut-Tahrir davası" mabüslerine qol tutmağa toplaşqan yerde tutuldı.