Путиннинг қаттиқ танқидидан кейин “яшагинг келмай қолади”
Россия президентининг матбуот котиби Дмитрий Песков Россия раҳбари Владимир Путиннинг қаттиқ танқидидан кейин “яшагиси келмай қолишини” маълум қилди.
Бу ҳақда у журналист Владимир Соловёв билан интервьюсида айтиб ўтди.
Унинг сўзларига кўра, давлат раҳбари уни тез-тез танқид қилмайди, аммо кейинчалик тузатилиши керак бўлган хатолар учраб туради.
«Мен президент томонидан жиддий танқидларга дуч келганман… Ўша пайтда яшагим келмай қолган», деди Кремл вакили.
Унинг таъкидлашича, Путиннинг танқиди “жуда қақшатқич” бўлади, аммо шу билан бирга ўз нуқтаи назарни ифода этиш имконияти, албатта, мавжуд.