Зәй урамнары купшылана бара
Зәйдә газоннарны төзекләндерүгә игътибар зур. Җирле бюджеттан бу максатка 1 миллион сумга якын акча бүленде. “Горзеленхоз” җаваплылыгы чикләнгән ширкәте шәһәргә рулонлы газоннар салу, матур куаклар утырту, чәчәклекләр араларын вак гранит ташлар белән бизәү белән мәшгуль. Бүген алар район хакимияте бинасы тирәсенә рулонлы газон җәя. Җете яшел төскә төренгән, гранит ташлар белән бизәлгән газоннар шәһәр урамнарын тагын да зәвыклы итә.