ინფექციური საავადმყოფოს დირექტორის, თენგიზ ცერცვაძის ჯანმრთელობის მდგომარეობა სტაბილურია
თენგიზ ცერცვაძის ჯანმრთელობის მდგომარეობა სტაბილურია. ინფექციური საავადმყოფოს დირექტორს აქვს ორმხრივი პნევმონია, ტემპერატურა, აღენიშნება ხველა და ყელის ტკივილი. ის ჟანგბადდამოკიდებული არ არის და თავს მხნედ გრძნობს.
თენგიზ ცერცვაძეს კორონავირუსი 17 ნოემბერს დაუდასტურდა, ორი დღის წინ კი მისი ჰოსპიტალიზაცია გახდა საჭირო.
რაც შეეხება ანა თოფურიას. თენგიზ ცერცვაძის მეუღლე სახლში მკურნალობს.
ამ დროისთვის საქართველოში კორონავირუსის 104 732 შემთხვევაა დადასტურებული. გამოჯანმრთელებულთა რაოდენობა 85 639- ს შეადგენს. გარდაიცვალა 976 მოქალაქე.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.