جوزپ بوریل له بوسنیايي رهبرانو د قومي اختلافاتو د حل غوښتنه وکړه
جوزپ بوریل "Josep Borrell" وویل، د بوسنیا رهبران دې په دې کار سره خپل هېواد له اروپايي ټولنې سره یوځای کېدو ته چمتو کړي.
ښاغلي بوریل د بوسنیا په پلازمېنه سرایوو کې وویل: د ډیټون په نوم مشهوره موافقې چې د امریکا په منځګړیتوب لاسلیک شوه، د اروپا د معاصر تاریخ یوه شرموونکې دوره ختمه کړه.
د بوسنیا د سولې پر موافقه د ۱۹۹۵م کال د د نوومبر پر ۲۱مه د امریکا د اوهایو ایالت په ډیټون ښار کې سلا وشوه چې بیا څو اوونۍ وروسته په پاریس کې رسماً لاسلیک شوه.