Халқаро атом энергияси агентлиги (ХАЭА) Эрон кам бойитилган уран захирасини кўпайтиришда давом этаётганини билдирди.
Агентликнинг билдиришича, бу миқдор 2015 йилда дунёнинг олти етакчи давлати билан эришилган шартномада белгилаб қўйилган кўрсаткичдан ҳам кўпроқдир.
ХАЭА Эрон юқори даражадаги софликка эга уранни ишлаб чиқариш учун кам бойитилган уран захирасини кўпайтирмоқда, деб ҳисоблайди.
ХАЭА ҳисоботида таъкидланишича, 25 август ҳолатига кўра, Эрон 2105,4 кило кам бойитилган уран захирасига эга бўлган. 2 ноябрь ҳолатига кўра, бу миқдор 2442,9 килони ташкил қилди.
2015 йилда Эрон, АҚШ, Германия, Франция, Британия, Хитой ва Россия имзолаган ядровий шартномада Теҳронга фақат 202,8 кило уран захирасига эга бўлишга рухсат берилган эди.