«Татнефть»нең саф табышы арткан
Агымдагы елның алты аенда «Татнефть» ААҖнең саф табышы 50,8 млрд сум булган. Бу 2014 елның алты аендагы күрсәткечтән күбрәк – ул чагында бу күрсәткеч 48,3 млрд сум тәшкил иткән булган.
«Татнефть»нең кереме 15,4% ка арткан – 2014 елның алты аендагы 207 млрд сумнан агымдагы елның алты аендагы 239 млрд сумга кадәр. Тулай табышы 13,7 млрд сумга артып, 89,6 млрд сум тәшкил иткән.
Операцион табыш 15,9% ка артып, 2015 елның гыйнвар-июнь айларында 71,9 млрд сум булган.