Майонез һәм томат пастасы белән ташкабак икрасы

Ингредиентлар:

Яшь ташкабаклар – 6 шт,

башлы суган – 1 кг,

томат пастасы – 350 г,

тоз – 3 аш кашыгы,

шикәр комы – 200 г,

серкә 9% - 200 мл,

майонез – 250 г,

сарымсак – 2 баш,

төелгән борыч – 1 чәй кашыгы.

Ташкабакларны иттарткыч аша үткәрәбез. Башлы суганны шулай ук иттарткыч аша үткәреп ташкабакка кушабыз, тирән һәм калын стеналы казанга салабыз. Тоз, шикәр комы, серкә һәм көнбагыш мае өстибез. Яшелчәләрне болгатып, томат пастасы кушып ике сәгатькә утка куябыз, агач кашык белән даими болгатып торабыз. Сарымсакны кыскыч аша үткәреп икрага кушабыз. Майонез, борыч салып тагын 30 минут кайнатабыз. Банкаларга тутырабыз һәм ябып куябыз.