Վրաստանի վարչապետ Գիորգի Գախարիան հայտարարել է, որ երկրի կառավարությունը կարճ ժամկետում 150 միլիոն լարի (շուրջ 47 միլիոն դոլար) կներդնի փախստականներին կացարաններով ապահովելու գործում: Այս մասին տեղեկացնում է netgazeti.ge կայքը:
«Լրացուցիչ 150 միլիոն լարի կտրամադրվի մոտ ապագայում փախստականներին կացարաններով ապահովելու համար: Տրամադրված գումարով կխթանվի նաև շինարարական ոլորտի գործունեությունը»,-հայտարարել է Գախարիան:
Վրաստանի վարչապետը նշել է նաև, որ շինարարության ոլորտն ամենատուժածներից մեկն է կորոնավիրուսի հետևանքով, և դրա վերականգնումն առաջնահերթ խնդիր է Վրաստանի համար: