Әтисе кызын урлаган
Ир белән хатын 2013 елның август аенда ук аерылышкан булган.
Хатын биш яшьлек кызын алып вакытлыча Санкт-Петербургка киткән. Әмма аны элеккеге ире эзләп тапкан. Баланы алып ул билгесез тарафка китә. Быел март аенда полиция хезмәткәрләре ирне кызы белән Казанда табалар һәм баланы әнисенә кайтаруда ярдәм итәләр. 27 июньдә хатын баласы белән Питрәчтә туганнарының дачасында ял иткәндә өч билгесез ир-ат участокка бәреп керә һәм баланы һәркем күз алдында урлыйлар. Бәхеткә, атаны тиз табалар. Ул кызы белән Лаеш районы авылында булып чыга. Хәзер аңа карата җинаять эше кузгатылган.