Әлки районы Карга авылы халкы бүген-иртәгә печәнгә төшәргә әзерләнә
Карга авылы халкы бүген-иртәгә печәнгә төшәргә әзерләнә.
Җирлек җитәкчелеге, комиссия төзеп, печәнлек итеп бүлеп биреләсе болыннарны карап чыккан. Биредә 9 шундый табигый печәнлек бар, аларны 121 шәхси хуҗалыкка бүләчәкләр. Болыннарның зурлыгын, үләннәрнең куелыгын исәпкә алып, аларны берничә гаиләгә җирәбә буенча бирәләр дә, печәнчеләр инде үзара бүлешә. “Хәзер элеккечә чалгы белән чабучылар аз, кешеләрдә тракторга таккан чапкычлар да, бензин белән эшләүче чалгылар да бар,”–ди җирлек башлыгы Рамил Минһаҗев.