Мини-ферма төзүчеләргә субсидия
2015 елда шәхси хуҗалыклары булган гражданнарга сөт юнәлешендәге мини-фермалар төзүгә тоткан чыгымнарының бер өлешен каплау өчен субсидияләр түләнәчәк.
Шәхси ярдәмче хуҗалыкларга субсидия бирү шартлары мондый. 2015 елда төзелгән яисә яртылаш (50 проценты) өлгергән, ким дигәндә сигез сыерга исәпләнгән мини-ферма булу, хуҗалыкта өч һәм аннан күбрәк савым сыеры асралу зарур. Субсидиянең иң зур күләме – 200 мең сум. Шәхси ярдәмче хуҗалык тотучыларга әлеге субсидияне алуны юллап авыл җирлекләре башкарма комитетларына мөрәҗәгать итәргә кирәк.