Әлмәт районында йөзләрчә йорт утсыз калды
Әлмәттә кичә көчле яңгыр явып үтте. Шәһәр урамнарыннан елга булып су акты, машиналар йөзде, троллейбус линиясен яшен сукты.
Районда да Түбән Мактама, Тихоновка, Габдрахман, Тайсуган, Кичү авылларында электр энергиясе белән тәэмин итүдә өзеклекләр килеп чыкты. 340 йорт утсыз калды. Белгечләр шунда ук һава торышы белән бәйле өзеклекләрне бетерүгә керештеләр.