Ул техника “телен” белә
Районыбызда иң эре инвестор буларак танылган “Кулон-Агро” хуҗалыгы механизаторларын бүген районыбызның шактый төбәкләрендә очратырга мөмкин.
Аларга соңгы елларда кеше кулы тимәгән җирләрне эшкә яраклы хәлгә китерергә туры килә. Ә мондый авыр һәм җаваплы еш кына күәтле тракторда эшләүче Иван Храмовка йөклиләр. Ул мондый “корыч айгыр” лар белән бик тиз уртак тел таба белә. Үзенең 30 еллык хезмәт тәҗрибәсе чорында ниндиләрен генә иярләмәгән.
Район үзәгендәге һөнәри училищены тәмамлап кайткач, чылбырлы “ДТ” тракторында беренче хезмәт чыныгыуы алган ул. Остаз механизаторларын әле дә рәхмәт сүзләре белән телгә ала. Катлаулы техника агрегатлар күп үтә аның кулы аша. Бүген ул идарә иткән “Нью-холд” тракторы соңгы заман таләпләре нигезендә эшләнгән иң катлаулыларның берсе.
–Хуҗалыкка күәтле яңа чит ил техникасы кайткач без аны кемгә тапшырырга икән дип озак баш ватмадык. Иван Храмовка тапшырдык та куйдык. Ялгышмадык та. Беренчедән, техниканың эшләвен күңеле белән тоя белә ул. Нинди дә булса узелы сафтан чыгасын алдан сиземләп, чарасын күрә. Икенчедән, үз эшен ул һәрвакыт тел-теш тидермичә сыйфатлы башкара. Бер вакытта да Иван Михайловичка теге яки бу эшнең үзенчәлеген аңлатып торырга кирәми. Чын мәгнәсендә, үз алтын куллы остас ул,–ди баш инженер Фәнис Юсупов..
Бу көннәрдә Иван пар җирләрен эшкәртә. Әлбәттә инде, намуслы хезмәт, югары җитештерүчәнлек, смена нормаларын арттырып үтәү аның характерында.
Идрис Аметов.
Автор фотосы.