Гүзәлемнән каймаклы-җиләк-җимешле торт
“Әлмәт таңнары” кухнясы”ның бүгенге кунагы – татар эстрадасы йолдызы, якташыбыз Гүзәлем. Ул безгә искиткеч тәмле торт рецепты тәкъдим итә.
Каймаклы-җиләк-җимешле торт
Торт әзерләү өчен 1 йомырка, 2 ст. шикәр комы, майлылыгы 15 % булган 2 ст. каймак, ½ ч.к. сода, аш серкәсе, 1 ст. он, бизәү өчен җимешләр кирәк.
Әзерләү тәртибе:
- 1 ст. шикәр комы белән 1 ст. каймакны туглыйбыз, йомырка, аш серкәсе белән сүндерелгән сода, он кушып, барысын бергә яхшылап болгатабыз.
- Килеп чыккан катнашманы ике бертөрле формага салып, 15-20 минутка 180-200 градустагы духовкага куябыз.
- Крем өчен 1 ст. шикәр комы белән 1 ст. каймакны туглыйбыз.
- Әзер коржларга кремны буяп, 2 сәгатькә суыткычка куябыз.
- Тортны җиләк-җимеш белән бизибез.
Чәйләрегез тәмле булсын!