Մոուրինյուն հայտարարություն է արել ՄՅՈւ-ից հեռանալու վերաբերյալ
«Մանչեսթեր Յունայթեդի» արդեն նախկին գլխավոր մարզիչ Ժոզե Մոուրինյուն հայտարարություն է արել ակումբից հեռանալու վերաբերյալ.
«Մեծ հպարտություն եմ զգացել «Մանչեսթեր Յունայթեդի» տարբերանշանը կրելու հենց առաջին օրից: Կարծում եմ` երկրպագուները հասկանում էին դա:
Ինչպես նախորդ ակումբներում, ՄՅՈւ-ում նույնպես աշխատել եմ հիանալի անձնավորությունների հետ:
Նրանցից ոմանք կմնան իմ ընկերները մինչև կյանքիս վերջ:
Ամեն անգամ երբ ավարտվում է կարիերայիս հերթական գլուխը, ես մեծ հարգանք եմ ցուցաբերում ու ոչ մի մեկնաբանություն չեմ տալիս նախկին գործընկերներիս մասին:
Կարծում եմ` ԶԼՄ-ները կհասկանան ինձ ու թույլ կտան ապրել հանգիստ կյանքով այնքան, մինչև ես նոր աշխատանք չունենամ»,- Մոուրինյուի խոսքերը Twitter-ի իր էջում մեջբերել է BBC-ի լրագրող Դեն Ռոուն: