Ցանկանում եմ մնալ գործադիրում, բայց դա դեռևս որոշված չէ. ՏԿՏՏ նախարարի պաշտոնակատար
Տրանսպորտի, կապի և տեղեկատվական տեխնոլոգիաների նախարար Հակոբ Արշակյանը դեռևս չգիտի՝ մնալու է գործադիր մարմնում, թե վերցնելու է պատգամավորության մանդատը:
Այս մասին հակոբ Արշակյանը նշեց այսօր «Իմ քայլը» դաշինքի քննարկումից հետո լրագրողների հետ զրույցում: Հարցին՝ որտե՞ղ է ցանկանում լինել, նա պատասխանեց. «Ցանկանում եմ մնալ գործադիրում, այդտեղ եմ ինձ պատկերացնում, այնտեղ եմ պատկերացնում իմ ունեցած գիտելիքները, փորձը կիրառել՝ ի շահ Հայաստանի Հանրապետության»:
Իսկ թե արդյո՞ք վարչապետի պաշտոնակատար Նիկոլ Փաշինյանը համաձայն է իր այս ցանկության հետ, նախարարի պաշտոնակատարն արձագանքեց. «Համաձայն են, թե ոչ, որոշման շրջանակներում ի հայտ կգա»: