Aqmescitte yaqıt qoyuv stantsiyasında pıçaqlı kötekleşüv yüz berdi - haberciler
Habercilerniñ malümatına köre, yaqıt stantsiyasında park etilgen maşnalardan 15-ke yaqın adam dögüşip başladı, olardan ekisi yaralandı. Vaqia sebepleri belli degil.
“Krıminform” bildirgenine köre, çatışuv dekabr 18-de aqşam oldı. Közetüv kamerasınıñ videosında körüne ki, eki aqay arasındaki aytışuv qısqa vaqıtta uruşqa çevirildi, olanıñ ekisine de yardım etmek içün başqa maşnalarnıñ aydayıcı ve yolcuları qoşuldı. Uruşnıñ bir iştirakçisi bir biriniñ artında turğan maşnalarnıñ ekişer köpçegini teşti, onıñ arqadaşı ise o vaqıtta pıştavnen qorquzıp, bu maşna yolcularını araba içine kirmege mecburladı. Bundan soñ yanına çapıp kelgen raqibini on kere pıçaqnen urdı.
Rusiye polisinde, vaqia neticesinde eki adam yaralanğanını tasdıqladı. Şimdilik “vaqia sebepleri ögrenile, teşkerüv ve çatışmağa ait olğan kişilerniñ belgilenmesi ve yaqalanması kecirile” dep bildirdi Rusiyeniñ Qırımda İçki İşler Nazirligi.