Լիոնել Մեսին ստացավ «Ոսկե խաղակոշիկ» մրցանակը
«Ոսկե խաղակոշիկ» մրցանակով պարգևատրվում է եվրոպական երկրների ազգային առաջնությունների լավագույն ռմբարկուն: Իսպանիայի անցած խաղաշրջանում Լիոնել Մեսին 34 գոլ է խփել և հավաքել 68 միավոր: Եվրոպայի լավագոււյն ռմբարկուի մրցանակը երեկ նրան հանձնվեց Բարսելոնայում:
«Ես սիրում եմ ֆուտբոլը, բայց երբեք չէի մտածի թե այսպիսի բարձունքների կհասնեմ: Այս ամենը քրտնաջան աշխատանքի և իհարկե մեր թիմի խաղացողների շնորհիվ է: Ես խաղում եմ աշխարհի լավագույն ակումբում, իմ կողքին են աշխարհի լավագույն խաղացողները և այդ ամենը զգալիորեն դյուրացնում է նման մրցանակներ նվաճելը» ,- ասել է Եվրոպայի լավագույն ռմբարկու Լիոնել Մեսին: