რუსეთში ბოლო 14 წლის სარეკორდო მაჩვენებელზეა საბჭოთა ნოსტალგია
რუსეთში საზოგადოებრივი აზრის შემსწავლელი წამყვანი დამოუკიდებელი ორგანიზაციის, "ლევადა ცენტრის" მონაცემებით, გამოკითხულთა 66%-მა, ანუ ორმა მესამედმა დადებითად უპასუხა შეკითხვას, დასანანად მიაჩნია თუ არა 1991 წელს საბჭოთა კავშირის დაშლა. ეს არის წინა წლის შედეგზე 8%-ით მეტი და ყველაზე მაღალი მაჩვენებელი 2004 წლის შემდეგ.
მეორე მხრივ, 2005 წლიდან მოყოლებული სარეკორდოდ დაბალია - სულ 25% - იმ პირთა რაოდენობა, ვინც არ არის ნოსტალგიით განწყობილი საბჭოთა პერიოდის მიმართ. 9%-მა განაცხადა, რომ ვერ უპასუხებს ამ შეკითხვას.
2005 წელს პრეზიდენტმა ვლადიმირ პუტინმა მე-20 საუკუნის „უდიდესი გეოპოლიტიკური კატასტროფა“ უწოდა საბჭოთა კავშირის დაშლას აღნიშნა რა, რომ ბევრი რუსია დარჩენილი რუსეთის საზღვრებს მიღმა.
"ლევადამ" წელს 22-28 ნოემბერს გამოკითხა 1600 ადამიანი ქვეყნის სხვადასხვა კუთხეში.