Թուրքիայում 53 տարի անց հայտնաբերվել է 1965թ. մահացած հանքափորի դին
Թուրքիայի հյուսիսում գտնվող Ամասիա նահանգում հայտնաբերվել է 53 տարի առաջ դժբախտ պատահարի հետևանքով մահացած հանքափորի դին, գրում է «Բիրգյուն» պարբերականը:
Հայտնի է, որ մարմինը գտել են տարածքում գտնվող ածխի հանքում աշխատող հանքափորները:
Նշվում է, որ տղամարդը մահացել էր 1965 թվականին՝ հանքում տեղի ունեցած պայթյունի ժամանակ: Դժբախտ պատահարի հետևանքով մահացել էր հանքի 69 աշխատող, որից 7-ի մարմիններն այդպես էլ չէին հայտնաբերվել: Ենթադրվում է, որ գտնված մարմինը հենց այդ հանքափորերից մեկինն է:
Այժմ դեպքի վայրում աշխատում են իրավապահները: