“The Economist” Ermenistany "ýylyň ýurdy" atlandyrdy
Düýbi Londonda ýerleşýän žurnal korrupsiýa garşy iş alyp baran ozalky žurnalist we oppozisiýa syýasatçysy Nikol Paşiniýanyň “korrupsiýa we oňaýsyzlyklara garşy nägilelikleriň tolkunynda kanuny ýagdaýda häkimiýet başyna geçendigini” belledi.
Ençeme hepdeläp dowam eden köçe protestleriniň netijesinde ýurda uzak ýyllaryň dowamynda ýolbaşçylyk eden Serž Sarkisýan häkimiýetden çetleşdirilipdi. Protestlere guramaçylyk eden Paşiniýan maýda premýer-ministr saýlanypdy.
9-njy dekabrda geçirilen irki parlament saýlawlarynda Paşiniýanyň “Meniň Ädimim” ýaranlygy sesleriň 70%-ni almagy başarypdy.
“Putiniň ýolbaşçysy çetleşdirildi, hiç kim hem öldürilmedi. Russiýa goşulmak üçin mümkinçilik berilmedi” diýip, “The Economist” belledi.
“The Economist” 2013-nji ýyldan bäri “ýylyň ýurduny” saýlaýar. Bu at 12 aýyň dowamynda iň köp özgerişleri gazanan döwlete berilýär.