Վրաստանի ընդդիմությունը նախագահական ընտրությունների արդյունքների չեղարկման պահանջով կդիմի ՄԻԵԴ
Վրաստանի ընդդիմադիր «Միասնական ազգային շարժում» կուսակցությունը պատրաստվում է դիմել Մարդու իրավունքների եվրոպական դատարան՝ պահանջելով չեղարկել երկրում անցկացված նախագահական ընտրությունների արդյունքները, գրում է apsny.ge-ն:
Թբիլիսիի վերաքննիչ դատարանն ուժի մեջ է թողել կուսակցության հայցը մերժող որոշումը, ինչից ելնելով վրացական ընդդիմությունը որոշել է դիմել ՄԻԵԴ: Ընդդիմադիրները պնդում են, որ ընտրություններն արդար պայմաններում չեն անցկացվել, ընտրողների հանդեպ ճնշում է գործադրվել, ինչպես նաև բաժանվել է ընտրակաշառք:
«Մենք հույս ունենք, որ Ստրասբուրգի դատարանն արդար որոշում կկայացնի և կչեղարկվի այն ընտրությունների արդյունքները, որոնք իշխանությունները գողացել են մեզանից»,- լրատվամիջոցներին ասել է «Միասնական ազգային շարժման» առաջնորդներից Թինաթին Բոկուչավան: