«Մանչեսթեր Յունայթեդը» հայտարարել է նոր գլխավոր մարզչի անունն, իսկ հետո հեռացրել գրառումը
«Մանչեսթեր Յունայթեդն» իր պաշտոնական կայքում հայտարարել է, որ Ժոզե Մոուրինյուի հեռանալուց հետո թիմի գլխավոր մարզչի ժամանակավոր պաշտոնակատար կնշանակվի Ուլե-Գունար Սուլշերը, որը գլխավորում է «Մոլդեն»:
Մանկունիացիները հրապարակել էին Սուլշերի` 1999 թվականի Չեմպիոնների լիգայի եզրափակչի` «Բավարիայի» հետ խաղում հեղինակած հաղթական գոլի տեսանյութը (2:1):
«Սուլշերը կդառնա մեր գլխավոր մարզչի պաշտոնակատարը «Կամպ Նոոում» հեղինակած այս գոլով ակումբին տիտղոս պարգևելուց 20 մրցաշարջան անց»,- գրված էր տեսանյութի մեկնաբանությում:
Բացի այդ, Նորվեգիայի վարչապետ Էռնա Սուլբերգը սոց.ցանցերում կատարած գրառմամբ շնորհավորել էր իր հայրենակցին.
Այնուհետև, Սուլբերգը հեռացրել է այս գրառումը «Թվիթերից»:
«Մանչեսթեր Յունայթեդը» 17 տուրից հետո անգլիական Պրեմիեր-լիգայի մրցաշարային աղյուսակի 6-րդ հորիզոնականն է զբաղեցնում` իր ակտիվում ունենալով 26 միավոր:
Մոուրինյուն 2016 թվականից էր գլխավորում անգլիական ակումբը և 2,5 տարում 3 տիտղոս է նվաճել ՄՅՈւ-ի հետ: