Լեհաստանի Ներքին անվտանգության գործակալության աշխատակիցներն «Իսլամական պետություն» ահաբեկչական խմբավորման հետ առնչություն ունենալու կասկածանքով ձերբակալել են Ռուսաստանի քաղաքացուն, որը Չեչնիայի բնակիչ է:
Ինչպես փոխանցում է INTERFAX.RU-ն, այս մասին հինգշաբթի լեհական հեռուստատեսության եթերում հայտարարել է հատուկ ծառայությունների հարցերով նախարարի ներկայացուցիչը: Նրա խոսքով՝ ձերբակալությունը տեղի է ունեցել նոյեմբերի վերջին:
«Ալվի Ա.-ն ուղարկվել է դատախազություն, որտեղ նրան մեղադրանք են առաջադրել ահաբեկչական բնույթի կազմակերպությանն անդամակցելու համար: Դատարանի որոշմամբ՝ նա կալանավորվել է», - հավելել է լեհ պաշտոնյան:
Լեհական գործակալության տվյալներով՝ Ալվի Ա.-ն կարող էր մասնակցել Մերձավոր Արևելքում տեղի ունեցած մարտերին, ինչպես նաև կապ պահպանել արմատական մուսուլմանների հետ: