Ֆրանսիայի Ստրասբուրգ քաղաքում տեղի ունեցած հրաձգությունից հետո հասարակական տրանսպորտը և դպրոցները վերսկսել են սովորական ռեժիմով աշխատանքը: Միևնույն ժամանակ փողոցներում, որտեղ շատ ոստիկաններ ու ժանդարմներ են շրջում, ուժեղացվել են անվտանգության միջոցառումները: Այս մասին РИА Новости գործակալությանը հայտնել է քաղաքի բնակչուհի Ժաննա Էլիստրատովան:
«Այսօր քաղաքում հասարակական տրանսպորտի բոլոր միջոցներն աշխատում են: Կարճատև դադարից հետո դպրոցները նույնպես վերաբացվել են: Փակ է միայն կոնսերվատորիան», - հաղորդել է գործակալության զրուցակիցը:
Նրա խոսքով՝ փողոցներում դեռ շատ ոստիկաններ ու ժանդարմներ են շրջում:
Հիշեցնենք, որ դեկտեմբերի 11-ի երեկոյան Ստրասբուրգի սուրբծննդյան տոնավաճառում տեղի է ունեցել հրաձգության, որի հետևանքով զոհվել է 3, վնասվածքներ ստացել 12 մարդ:
Կրակ բացողը 29-ամյա տղամարդ է: Նա տաքսիով փախուստի է դիմել դեպքի վայրից:
Որոնողական աշխատանքներին հարյուրավոր ոստիկաններ են մասնակցում: Պատկան մարմինների կարծիքով՝ նա կարող է արդեն լքած լինել Ֆրանսիան:
