Մխիթարյանը փրկեց «Արսենալ»-ին
Հյուրերը 13-րդ րոպեին բացեցին խաղի հաշիվը, գոլի հեղինակ դարձավ պորտուգալացի Իվան Կավալեյրոն:
Հայաստանի հավաքականի լիդեր Հենրիխ Մխիթարյանը 76-րդ րոպեին փոխարինեց Մեսութ Օզիլին և տասը րոպե անց հավասարեցրեց խաղի հաշիվը:
12 տուրից հետո «Արսենալ»-ը 24 միավորով զբաղեցնում է 5-րդ տեղը: «Զինագործները» Պրեմիեր լիգայում տասը խաղ անընդմեջ պարտություն չեն կրել, բայց, մյուս կողմից, արդեն երրորդ խաղը, ներառյալ` ՈւԵՖԱ-ի Եվրոպայի լիգայի մրցաշարում հանդիպումը «Սպորտինգ»-ի հետ, ոչ-ոքի են ավարտում:
Պրեմիեր լիգայում առաջին տեղում 32 միավորով «Մանչեսթր Սիթի»-ն է, որն այսօր «դերբիում» 3:1 հաշվով հաղթեց Մխիթարյանի անգլիական նախկին թիմին՝ «Մանչեսթր Յունայթեդ»-ին: