Հայտնի են Պորոշենկոյի, Մերկելի և Մակրոնի եռակողմ հանդիպման մանրամասները
Ուկրաինայի նախագահ Պյոտր Պորոշենկոն Փարիզում եռակողմ հանդիպում է ունեցել Գերմանիայի կանցլեր Անգելա Մերկելի և Ֆրանսիայի նախագահ Էմանուել Մակրոնի հետ, որի ընթացքում քննարկվել է Դոնբասի և Ուկրաինայի միջև ռազմագերիների փոխանակման հարցը, գրում է ТАСС-ը:
«Բարձրացվել են Ռուսաստանի Դաշնության բանտերում պահվող մեր քաղբանտարկյալների ազատման և Դոնբասի օկուպացված տարածքներում անօրինական ճանապարհով պահվող մեր հերոսների, զինվորականների փոխանակմանը շտապ վերադառնալու հարցերը», - հայտնել է Ուկրաինայի նախագահը:
Պորոշենկոյի խոսքով՝ հանիպման ժամանակ քննարկվել է նաև Դոնբասում ՄԱԿ-ի խաղաղապահ առաքելութան իրագործման նախաձեռնությունը: Ուկրաինայի նախագահը վստահ է, որ միայն խաղաղապահները կկարողանան դադարեցնել գնդակոծություններն ու ստիպել Ռուսաստանին կատարել իր վրա վերցված պարտականությունները: