Անգլիայի Պրեմիեր լիգայի 12-րդ տուրի կենտրոնական մրցավեճում «Մանչեսթեր Սիթին» սեփական հարկի տակ մրցեց «Մանչեսթեր Յունայթեդի» հետ:
Հանդիպումն ավարտվեց Գվարդիոլայի ֆուտբոլիստների հաղթանակով` 3:1 հաշվով:
Հաշիվը 12-րդ րոպեին բացեց Դավիդ Սիլվան: Երկրորդ կեսում տանտերերի հարձակվող Սերխիո Ագուերոն կրկնապատկեց իր թիմի առավելությունը:
«Կարմիր սատանաները» կարողացան միայն կրճատել հաշվի տարբերությունը: 11 մետրանոցից աչքի ընկավ Մարսիալը:
Խաղավերջում «քաղաքաբնակները» խփեցին նաև երրորդ գոլը, որի հեղինակը դարձավ Գյունդողանը:
Այս խաղից հետո «Մանչեսթեր Սիթին» վաստակեց 32 միավոր և կշարունակի գլխավորել մրցաշարային աղյուսակը: «Մանչեսթեր Յունայթեդը» 20 միավորով 8-րդն է:
