აშშ-ის პრეზიდენტმა დონალდ ტრამპმა გადაწყვიტა, სიკვდილის შემდეგ დააჯილდოვოს ელვის პრესლი პრეზიდენტის „თავისუფლების მედლით“ - აშშ-ში სამოქალაქო პირების უმაღლესი ჯილდოთი. ამის შესახებ ნათქვამია თეთრი სახლის განცხადებაში. განცხადების თანახმად, ელვის პრესლი გარდაცვალებიდან ორმოცი წლის შემდეგაც რჩება „ამერიკულ კერპად“. ხელისუფლების წარმომადგენლები ხაზს უსვამენ, რომ მომღერალი ჯარში წავიდა მას შემდეგ, რაც უკვე მოპოვებული ჰქონდა მსოფლიო დიდება.
