11 ноябрь куни Париждаги Триумфал аркда Биринчи жаҳон уруши якунланганига 100 йил тўлиши муносабати билан ташкил этилган хотира маросими давомида Россия президенти Владимир Путин АҚШ раҳбари Дональд Трамп билан қўл бериб кўришди. Россия президенти тадбирга охирги бўлиб келган ва саҳнада турган сиёсатчилар билан кўришиб чиққан. Путин и Трамп в Париже: Та самая встреча «на полях» pic.twitter.com/eABQYblWRO — Дмитрий Смирнов (@dimsmirnov175) November 11, 2018 Маросимдан кейин Елисей саройида уюштирилган чошгоҳлик вақтида эса Россия ва АҚШ президентлари битта стол атрофида, бир-бирига қарши ўтиришган. Фото: epa/vostock-photo Чошгоҳдан кейин эса сиёсатчилар Тинчлик форумига йўл олишган. Форумга Трамп бормаган. Эслатиб ўтамиз, ўтган ойда Трамп ва Путин Парижда учрашув ўтказиши белгиланганди. Аммо Франция томони ушбу учрашув атрофида юзага келадиган ажиотаж хотира маросимлари ва форумни эътибордан четда қолдиришидан хавотир олиб, учрашувни қолдиришни сўраганди.
