«Ռոման» հաղթեց «Սամպդորիային» (տեսանյութ)
«Ռոման» վերջ դրեց Իտալիայի առաջնությունում անհաջող հանդիպումների շարքին՝ 12-րդ տուրում առավելության հասնելով «Սամպդորիայի» նկատմամբ:
Հռոմի «Օլիմպիկո» մարզադաշտում կայացած հանդիպումն ավարտվեց 4:1 հաշվով: «Գայլերի» կազմում մեկական գոլով աչքի ընկան Ժուան Ժեսուսը, Պատրիկ Շիկը, դուբլ ձևակերպեց Ստեֆան Էլ-Շարավին, իսկ հյուրերի միակ գոլը խփեց Գրեգորե Դեֆրելը:
Այս հաղթանակից հետո «Ռոման» ունի 19 միավոր և զբաղեցնում է մրցաշարային աղյուսակի 6-րդ հորիզոնականը, իսկ «Սամպդորիան» մնաց 15 միավորով 12-րդ տեղում:
Իտալիայի առաջնություն, 12-րդ տուր
«Ռոմա»-«Սամպդորիա»՝ 4:1
Գոլերը՝ Ժեսուս 19՛, Շիկ 29՛, Էլ-Շարավի 72՛, 90+3՛ - Դեֆրել 89՛