د نړی د ۷۰ هېوادونو مشران د لومړۍ نړیوالې جګړې سلمه کلیزه لمانځي
د ۱۹۱۸میلادي کال د نومبر په یولسمه څلور کلنه نړیواله جګړه چې لس میليونه سرتېري او میليونونه ملکیان په کې ووژل شول، پای ته ورسېده.
د فرانسې د ولسمشر ایمانوئل مکرون په کوربه توب په دې مراسمو کې د امریکا د جمهور رئیس ډونالد ټرمپ، د روسيي د ولسمشر ولاديمیر پوتین او د ترکي د مشر رجب طیب اردوغان په ګډون د شااوخوا ۷۰ هېوادونو مشران د پاریس ښار په هغې سیمه کې چې د لومړۍ نړیوالې جګړې یو نوم ورکی سرتېرۍ پکې خښ دی، راټول شوي دي.
د پاریس د نننیو مراسمو پر مهال کله چې د امریکا ولسمشر ډونالد ټرمپ د غونډې ځای ته روان و، د نوموړي د موټرو د کاروان مخې ته یوه ښځه چې له نامه پورته لوڅه وه، تېره شوه.
دغه ښځه چې پر خپل بدن يې د جعلي سوله کوونکي جمله لیکلې وه، د پولیسو له خوا ونیول شوه.