Լեռնային Ղարաբաղի նախագահ Բակո Սահակյանը նոյեմբերի 10-ին Արցախի պաշտպանության նախարար Լևոն Մնացականյանի և այլ պաշտոնյաների հետ միասին դիտել է Պաշտպանության բանակի կենտրոնական ենթակայության մի շարք զորամասերի ներգրավմամբ մարտավարական զորավարժությունները:
Ըստ Արցախի նախագահի պաշտոնական կայքէջի, Բակո Սահակյանն ընդգծել է, որ բանակաշինությունը, զինված ուժերի մարտունակության շարունակական բարձրացումը եղել են ու կմնան պետության կարևորագույն խնդիրներից, և հետևողական աշխատանքներն այս ուղղությամբ շարունակվելու են:
Բակո Սահակյանն այցելել է նաև Մարտակերտի շրջանի Մեծ շեն գյուղ, հանդիպել համայնքի բնակիչների հետ և քննարկել գյուղում առկա խնդիրներն ու դրանց լուծման ուղիները:
Արցախի նախագահը կոնկրետ հանձնարարականներ է տվել շահագրգիռ մարիմինների ղեկավարներին` քննարկված հարցերի պատշաճ լուծման ուղղությամբ:
Հանդիպմանը մասնակցել են պետնախարար Գրիգորի Մարտիրոսյանը, պաշտոնատար այլ անձինք:
