Օդի ջերմաստիճանը նոյեմբերի 12-14-ի ցերեկը կնվազի 5-7 աստիճանով․ ԱԻՆ

Արտակարգ իրավիճակների նախարարությունը տեղեկացնում է, որ նոյեմբերի 11-ի ցերեկը, 12-ի գիշերը հանրապետությունում սպասվում է առանց տեղումների եղանակ:


Նոյեմբերի 12-ի ցերեկը՝ Լոռիում, Տավուշում, Սյունիքում և Արցախում, 13-16-ին շրջանների զգալի մասում սպասվում են տեղումներ ձնախառն անձրևի և ձյան տեսքով:


Օդի ջերմաստիճանը նոյեմբերի 12-14-ի ցերեկը կնվազի 5-7, Լոռիում, Տավուշում, Սյունիքում և Արցախում` 8-10 աստիճանով:


Ըստ նախարարության, Երևանում նոյեմբերի 11-ի ցերեկը, 12-ին սպասվում է առանց տեղումների եղանակ: 13-16-ին ժամանակ առ ժամանակ սպասվում են տեղումներ:


Այսօր ցերեկը Երևանում սպասվում է 13-ից 15, երեկոյան 9-ից 11 աստիճան տաքություն։