Նոյեմբերի 11-ին Դոնբասի տարածքում սկսվել են ինքնահռչակ Դոնեցկի եւ Լուգանսի ժողովրդական հանրապետությունների ղեկավարների, ինչպես նաև Ազգային խորհուրդների պատգամավորների ընտրությունները:
Ինչպես նշում է ria.ru-ն, ԼԺՀ-ի ղեկավարի պաշտոնին հավակնում է 4 թեկնածու, այդ թվում նաև երկրի ղեկավարի ժամանակավոր պաշտոնակատար Լեոնիդ Պասեչնիկը:
Մինչդեռ խորհրդարանական ընտրություններին մասնակցում է երկու հասարակական շարժում: Ընդհանուր առմամբ ընտրվելու է 50 պատգամավոր:
Ինչ վերաբերում է ԴԺՀ-ին, ապա այստեղ երկրի ղեկավարի պաշտոնին 5 թեկնածու է հավակնում, այդ թվում նաև ժամանակավոր պաշտոնակատար Դենիս Պուշիլինը: Խորհրդարանական ընտրություններին մասնակցում է երկու հասարակական շարժում: Ընդհանուր առմամբ ընտրվելու է 100 պատգամավոր:
Պաշտոնական Կիևն արդեն հայտարարել է, որ չի ճանաչում ընտրություններն ու դրանց արդյունքները:
Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Դոնեցկում ու Լուգանսկում մեկնարկած ընտրությունները չեն հակասում մինսկյան պայմանավորվածություններին:
