Իշխան Սաղաթելյանն ԱԺ արտահերթ ընտրություններին կառաջադրվի Գեղարքունիքի մարզում
Գեղարքունիքի նախկին մարզպետ, ՀՅԴ Հայաստանի ԳՄ անդամ Իշխան Սաղաթելյանը ԱԺ արտահերթ ընտրություններին կառաջադրվի Գեղարքունիքի մարզում։
Այս մասին նա տեղեկացրել է տարածած հաղորդագրության մեջ։
«Հարգելի՛ հայրենակիցներ, ընկերներ, համախոհներ, Գեղարքունիքի մարզի սիրելի բնակիչներ,
Սիրով տեղեկացնում եմ, որ առաջիկա ԱԺ ընտրություններին ռեյտինգային կարգով առաջադրելու եմ իմ թեկնածությունը Գեղարքունիքի մարզում:
Ակնկալում եմ Ձեր աջակցությունը և սատարումը:
Հ.Գ. Անավարտ մնացած ծրագրերի և նոր գաղափարների կյանքի կոչելու համար ստեղծվել է ևս մեկ հնարավորություն, որը պետք է օգտագործենք միասին:
Սիրով՝ Ձեր ամենօրյա ընկեր Իշխան Սաղաթելյան»,– ասված է նախկին մարզպետի հայտարարության մեջ։