თბილისში, პარლამენტის წინ კვლავ დგას 16 კარავი
10 ნოემბერს პოლიციამ კარვის დადგმის საშუალება არ მისცა ზაზა სარალიძეს, რომელიც ფიზიკური დაპირისპირების დროს ცუდად გახდა.
ზაზა სარალიძემ, მალხაზ მაჩალიკაშვილმა და არასამთავრობო ორგანიზაციების წარმომადგენლებმა ღამე კარვებში გაატარეს.
როგორც მალხაზ მაჩალიკაშვილმა უთხრა რადიო თავისუფლებას, ღამემ მშვიდად ჩაიარა.
"ჩვენ კანონს არ დავარღვევთ. ეს კარვები კანონის შესაბამისად დგას" - დასძინა მალხაზ მაჩალიკაშვილმა, რომლის თქმითაც, აქციები გაგრძელდება მანამ, ვიდრე დამნაშავეები არ დაისჯებიან.