Կոնգոյի Դեմոկրատական Հանրապետությունում Էբոլա վիրուսով վարակվածների թիվը հասել է 326-ի, ավելի քան 200 մարդ մահացել է, հայտնել է երկրի առողջապահության նախարարությունը:
«Աշխարհում ոչ մի համաճարակ այնքան բարդ չի եղել, որքան այս մեկը, որը հիմա մենք տեսնում ու զգում ենք: Էբոլա մահացու համաճարակը 1976 թվականին առաջին անգամ Կոնգոյում տարածվելուց հետո տարբեր տարիներին կրկնվել է եւս տասն անգամ, սակայն որեւէ մեկն այդքան դաժան չի եղել, որքան այս մեկը՝ Հյուսիսային Կիվու եւ Իտուի շրջանների համաճարակը»,- ասված է նախարարության տարածած հաղորդագրության մեջ:
Էբոլան վիրուսային ինֆեկցիա է, որը տարածվում է մարդկանց եւ որոշ կենդանիների շրջանում: Համաճարակն Արեւմտյան Աֆրիկայում սկսվել է 2015-ին եւ առավել զարգացել երեք երկրում՝ Գվինեայում, Սիերրա-Լիոնեում եւ Լիբերիայում: Վիրուսը խլել է ավելի քան 11 հազար մարդու կյանք: Ներկայիս համաճարակը Կոնգոյում տարածվել է այս տարվա հուլիսին:
